Plantun de Prouvènço

Pèr coumpara dos planto d'encò nostre

Linum strictum & Pilosella officinarum

Linum strictum

Linaceae

Nom en français : Lin droit.

Descripcioun :
Aquéu pichot lin di flour jauno èi coumun dins li garrigo e li relarg roucaious. Es uno planto redo e drecho e un pau lignouso. Li fueio soun en formo de lanço e duro. Fai de noumbróusi e pichòti flour jauno depassado pèr li bratèio.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Linum
Famiho : Linaceae

Ordre : Malpighiales

Coulour de la flour : Jauno
Petalo : 5
Ø (o loungour) flour : 5 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Abriéu à juliet

Liò : Roucaio - Tepiero seco - Garrigo - Champ
Estànci : Termoumediterran à Coulinen
Couroulougi : Mediterrano
Ref. sc. : Linum strictum L., 1753

Peludello

Pilosella officinarum

Asteraceae Compositae

Àutri noum : Erbo-pelouso, Pelouso, Pelouseto, Erbo-dóu-gabard.

Nom en français : Piloselle.

Descripcioun :
La peludello se recounèis à si fueio di proun pelouso en roseto. Coume fai de fiéu (estouloun), se pòu vèire souvènti-fes de perterro de peludello. Pèr la destria dis autro peludello fau regarda que li fiéu dounon de fueio de mai en mai pichoto que li de la rouseto de despart à flour e mesuro que s'aluenchon.

Usanço :
Contro li bruladuro e pougnaduro de serp, quicha de fueio fresco e bouta en emplastre (M. Amir, 1998). S'utiliso despièi l'Age-Mejan pèr sougna li blessaduro (lucho contro l'enfecioun), amelioura la visioun, e contro li saunamen de nas (en poudro). De nouta qu'aquelo erbo fai de pouisoun qu'empacho lis autro de poussa.

Port : Erbo
Taio : 3 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 5 à 30 mm
Flourido : Printèms - Estiéu - Autouno

Sòu : Ca
Autour basso e auto : 0 à 2800 m
Aparado : Noun
Abriéu à óutobre

Liò : Tepiero seco - Prado à jóuinis aubret
Estànci : Mesoumediterran à Subaupen
Couroulougi : Paleoutemperado
Ref. sc. : Pilosella officinarum Vaill., 1754 (= Hieracium pilosella L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Linum strictum & Pilosella officinarum

ges

Coumpara Lin(-prim) emé uno autro planto

Coumpara Peludello emé uno autro planto